விஸ்வரூபம் : அந்த ஏழு காட்சிகள்

விஸ்வரூபம் திரைப்படத்தில் முஸ்லிம் அமைப்புகளின் கோரிக்கைக்கிணங்க ஏழு காட்சிகள் நீக்கப்படும் என்றும் சில இடங்களில் ஒலிநீக்கம் செய்யப்படும் என்றும் கமல் ஹாசன் அறிவித்திருந்தார் அல்லவா? அவை பற்றிய விவரம் வருமாறு:

'இது உண்மைச் சம்பவங்களின் தொகுப்பு' என்று பெயர்ப்பட்டியலுடன் போடப்படும் அறிவிப்பு அட்டை மாற்றப்பட்டு 'இது ஒரு புனைவே' என்று காட்டப்படுமாம். சரியாகச் சொன்னால், "இது இஸ்லாமியர்களுக்கு எதிராகவோ மற்ற சாதி-மதத்தினரின் கோட்பாடுகளுக்கு எதிராகவோ எடுக்கப்பட்ட படம் அல்ல, இது ஒரு கற்பனை கதை, என்று படத்தின் தொடக்கத்தில் எழுத்துவடிவில் காண்பிக்கப்படுமாம்

மேலும் நீக்கப்படும் காட்சிகள் :

1.திருக்குர்ஆன் வசனப் பின்னணியில் அமெரிக்கரின் தலை துண்டிக்கப்படும் காட்சிகளும், வசனமும் நீக்கப்படும்


2.முல்லா உமர் கோவையிலும், மதுரையிலும் தலை மறைவாக இருந்தார் என்பதை சித்திரிக்கும் காட்சிகள் இனி இருக்காது

3.குண்டு வெடிப்பைத் தடுப்பதற்காக கமல்ஹாசன் அமெரிக்காவில் பிரார்த்தனை செய்யும் காட்சிகளும், பின்னணியில்  தொழுகைக் காட்சிகளும் நீக்கப்படுமாம்.

4.ஆங்காங்கே காட்சிகளின் போது ஒலிக்கும் திருக்குர்ஆன் வசனங்கள் நீக்கப்பட்டு வெறும் காட்சிகள் மட்டும் காண்பிக்கப்படும்.

5.முஸ்லிம் அல்லாதவர்களை அப்புறப்படுத்துவதே முஸ்லிம்களின் கடமை'' என்று நாசர் பேசும் வசனம் நீக்கப்படும்

6.ஆப்கன் சிறுவர்கள் துப்பாக்கியால் சுட்டுக் கொண்டு விளையாடுவது போல காட்டப்பட்டுள்ளதும் நீக்கப்படும் காட்சிகளில் உள்ளதாம்

7. ஆப்கன் முல்லா உமரின் சிறுவயது மகன் கண்களைக் கட்டிக்கொண்ட நிலையில் துப்பாக்கிகளை இனங்காணும் காட்சி

இவையே உடன்பாட்டில் ஒப்புக்கொள்ளப்பட்டதாகத் தெரிகிறது
Source : http://www.inneram.com/new